Joseph von Fraunhofer

Da Joseph Fraunhofer, seit 1824 Ritta vo Fraunhofer (* 6. Meaz 1787 z Straubing; † 7. Juni 1826 z Minga) wor a boarischa Optika und Physika. Bekannt is a fia sei Entdeckung vo de dunklen Adsorptions-Linien im Sunnaliacht, de Fraunhofer-Linien, und fian wissnschoftle fundiatn, systematischn Bau vo Zuweziaga. A bstimmta Objektivtyp, es Fraunhofer-Objektiv und de Fraunhofer-Gsejschoft san noch eam so gnennd worn. Ea guit ois oana vo de bedeitendstn boarischn und deitschn Natuawissnschofta.

Da Fraunhofer is a Pionia vo da Optik und oana vo de bestn Glosmocha vo seina Zeit. Ea hod neie Vafoarn zan Schleifn, Polian und Priafn vo optischn Linsn entwicklt. Inschtrumendt wo a sejm entwicklt hod, hom eam grundlegende Arbatn im Bereich Licht und Optik megle gmocht. Ea hod damit wichtige Voraussetzunga fia de modeane Astronomie gschoffa.^[1]

Fraunhofer-Gloshittn, etzad Museum, z Benediktbeiern
Da Fraunhofer (Mittn) demonstriat es Spektroskop, rechts von eam da Georg vo Reichenbach, links da Joseph vo Utzschneider.
Fraunhofer in da Ruhmeshoin z Minga
Briafmarkn zan 200. Geburtsdog vom Fraunhofer (1987)